-

2 metro

2 metrotro distantzia dago botatako zikinkeriaren eta zabor-edukiontziaren artean.  Metro gutxi dira, ez dute ia balio ezta kirol proba batendako ere.  Metro hutsalak, baliogabeak, ikustezinak guztiak. Baina garrantzitsuak irabazlearen eta galtzailearen arteko distantzia neurtzeko. Luzatu genezake bi hitz horien arteko definizioa sokatira eginez… 2 metrotan.


Julio Anguitak zioenez, institutu batean irakasle zela, ikasle bat ikusi zuen paper bat lurrera botatzen.  Gerturatu zitzaion eta esan zion bota zuen papera hartzeko, arren.  Ikasleak, naturaltasun osoz, erantzun zion garbitzaileak garbituko zuela, horretarako zegoela.  Anguitak errieta egin zion adieraziz garbitzailea ez zela inoren esklabu, langile bat zela.  Paperontzia… 2 metrotara. 

Duela urte pare bat sare sozialetan agertu zen mezu batek, honela zioen: “Ipurdi-garbitzailea naiz eta harro nago”.  Emakume hori kexati zen “ipurdi-garbitzaile” hitza mespretxuz erabiltzen ohi dugulako. Kontzientzia izateko… 2 metro luze.


Orain dela denbora gutxi, egunkari batean garbitzaile talde batek gutun bat idatzi zuen.  Gardenak bihurtzen ditugulako kexati. Euren ohorea garbitzen duten zikinkeriaren artean nahasten dugulako…  2 metrotan, alegia.

 Pipa jaleak asfaltoa ereiten igarotzen dituzte orduak. Emankorrak ez diren lurrak ereiten, ekilorerik jaioko ez diren… 2 metrotan.  Atzetik etorriko dira erratzak, eskularruak, bigarren mailako langileak… garbitzaileak.



 

Iruzkinak

Argitaratu iruzkina

Blog honetako argitalpen ezagunak

-
Irudia
Mentxu Rodríguez Puente - Itsaso Txikia (Mar Menor) Itsaso Txikia, ez du inongo garrantzirik? Garrantzi handia dauka eta ez Murtziako probintziarendako bakarrik, baita herrialde eta Europa osoarentzat ere. Itsaso Txikia Europako aintzira gazirik handiena da. Ekosistema bakar horiek etorkizuneko belaunaldientzat gorde behar dira. Zer dago? Ez dut ezer ikusten Fitoplanktona (plankton mikroskopikoa), kontrolik gabe hazi zen mantenugai asko botatzen zirelako bertara.   Itsaso Txikiko ur gardenak opakuak bihurtu ziren.   Zer zimendu ditu hareazko zintak? Harearen zati handi bat ibaiek eramaten dute itsasora, eta itsas korronteek garraiatzen dute, dinamikaren arabera itsasertzean uzten baitituzte. Itsas Txikiaren Mangan, zonaldean dauden uhartetxoen eta langa bolkanikoen gainean pilatzen joan da. Nekazaritzan lursaguek dena jaten dute Eta Itsaso Txikiaren kasuan “bi hankako lursaguek” (Topillo kasua), akuiferoko ura agortu eta kutsatu dute, erabiliezin bihurtu dutelarik. Topillo kasuan
Irakurri informazio gehiago
-
Irudia
                                                 Txingurriak eta abiadura Duela hilabete gutxi batzuk, 30 kilometro orduko abiadura ezarri behar zenean Bilboko kaleetan, eztabaida sortu zen jendearen artean.  Batzuei ongi iruditu zitzaien araua, beste batzuei, ordea, ez.  Hauen artean lanerako erabili behar izaten duten autoa zeuden, hau da, taxilariak, banatzaileak, autobus-gidariak, etab. Entzule batek mezu bat bidali zuen irratira esanez zenbat eta abiadura gutxiago izan, orduan eta auto-ilara gutxiago sortzen direla.  Eta momentu horretan txingurriak etorri zitzaizkidan burura. Mehdi Moussaid ikertzaileak dioenez, gizon-emakumeek ez bezala, txingurriek erritmo konstantea izaten omen dute, egonkorra eta ordenatua multzoan ibiltzen direnean.  Eta Audrey Dussutour biologoak txingurriekin egindako ikerketetan frogatu duenez, inurriek ez dute inoiz inurri-ilararik sortzen. Halako dentsitate batera iristen direnean, %10en bat gelditu egiten da eta horrek bide gehiago sortzen ditu inurria
Irakurri informazio gehiago
-
Irudia
 "Itoitz, Pueblos que fueron - Itoitz, Herri  izandakoak" (elkarrizketa) Bizi izan direnentzako memoria; ikusi ez dutenentzako ikusmina; ez dakitenentzako ezagutza . Lan hau egiteko ideia Agoitz inguruko hainbat herriren argazkiak gure eskuetara iritsi zirenean sortu zen, eta haietako batzuk gure ibarretatik materialki desagertu zirela ikusi genuen.  Materialki diot, batez ere, 30 urte baino gehiago ditugunok, ziur gogoan ditugula, batzuek beren bizitzaren zati bat bertan bizi izan dutelako eta beste batzuok askotan bisitatu ditugulako.  Orduan erabaki genuen, Itoizko urtegia zela-eta desagertu egin ziren herri horien maketa adierazgarri batzuk egitea.  Itoizko urtegiak, zalantzarik gabe, ingurua eraldatu zuen, ez bakarrik urak harrapatu zuena, baizik eta Agoitz (burualdean) eta Oroz-Betelu eta Nagore urtegiko amaieran daudenak, nolabait ere aldatu zituen. Materiala moldatuta, urtegia hustu duzue Lan hau aukezteko, bost urte inguruko bide luzea egin dugu, oso bide atsegina.
Irakurri informazio gehiago