Txingurriak eta abiadura

Duela hilabete gutxi batzuk, 30 kilometro orduko abiadura ezarri behar zenean Bilboko kaleetan, eztabaida sortu zen jendearen artean.  Batzuei ongi iruditu zitzaien araua, beste batzuei, ordea, ez.  Hauen artean lanerako erabili behar izaten duten autoa zeuden, hau da, taxilariak, banatzaileak, autobus-gidariak, etab. Entzule batek mezu bat bidali zuen irratira esanez zenbat eta abiadura gutxiago izan, orduan eta auto-ilara gutxiago sortzen direla.  Eta momentu horretan txingurriak etorri zitzaizkidan burura.

Mehdi Moussaid ikertzaileak dioenez, gizon-emakumeek ez bezala, txingurriek erritmo konstantea izaten omen dute, egonkorra eta ordenatua multzoan ibiltzen direnean.  Eta Audrey Dussutour biologoak txingurriekin egindako ikerketetan frogatu duenez, inurriek ez dute inoiz inurri-ilararik sortzen. Halako dentsitate batera iristen direnean, %10en bat gelditu egiten da eta horrek bide gehiago sortzen ditu inurriak gelditu gabe ibil daitezen. Guk, ordea, erritmoari jarraitu beharrean, sigi-saga eginez abiatzen gara jendearen artean - gutxi batzuk-, eta horrek besteen erritmoa eta abiadura geldiarazten du, gezurra badirudi ere.

Segurtasun-distantzia mantendu nahian, Iruñeko Carlos III etorbidean bi norabide jarri zituzten jendeak ordena eta erraztasuna izateko distantzia mantendu ahal izateko.  Antza, ez zen ongi atera jendeak ez baitzuen norabidea eta ilarak errespetatu. Txingurriek gauza asko erakuts diezazkigukete ordena eta abiaduran nabaria denez.

Ikusi dugun bezala, txingurriek taldearen onerako lan egiten dute.  Baina ez pentsa, hala ere, inurri guztiak berdinak direla, ezta gutxiagorik ere! Badago espezie batek (Lasius niger) non jana bilatzeko ez duen biderik egiten (hori da egiten dutena besteei erakusteko non dagoen jana).  Beste espezie batek (Rhytidoponera metallica), aurkitzen duen elikagaia bertan jaten du daukaten biltegira ezer eraman gabe. Eta, harrigarria! Temnotharax rugatulus inurri espeziak ez du batere la egiten. 

Bitxikeria hauek txingurri gutxi batzuek egiten dituzte, nahikoa ordea, konturatzeko animalia espezie bereko banakoak ez direla berdinak izaten. maiz uste dugun moduan