Fairy
Publizitatea sormen
handiko lanbidea izan daiteke. Etika, batzuetan
behintzat, tartean dago eta adibide gisa, fairy garbigarria jarriko dut. Egoera erakargarria jartzen digu. Herri bat, bazkaria, mahai luzeak jende
askorendako, gertutasuna, denok pozik, festa, garbitasuna, mahai-zapi berdeak,
auzolana eta ahalegin gutxi. Dena
perfektua zoriontsua izateko eta, batez ere, fairy erosteko. Ontzia garbitzean sentituko duzun plazerra ez
da nolanahikoa izanen, ez horixe! Zure bakardadean lagunduta sentituko zara fairy
ondoan baituzu.
Nire eskuetara erortzen
den guztia irakurri egiten dut, etiketak, ordea, ez dira hain errazak irakurtzeko,
hain dute letra txikia! Hori
garbigarriekin gertatzen ohi da.
Gainera, kimikaria izan beharko nuke osagaiak ulertu ahal izateko. Beraz, ez ditut irakurtzen. Baina, hara non aurrekoan eztabaida batean,
Menor itsasoa dela eta, garbigarrien kontua atera zen eztabaidan. Zikinak zirela, kutsakorrak… Fairy bote bat hartu eta irakurtzen hasi
ginen… Nocivo para os organismos aquáticos com efeitos duradeuros.
Kasu askotan
publizitateak egiten dituen kanpainak produktuak saltzeko, ez dira batere
garbiak izaten garbigarriak izan arren, baina ulergaitza litzateke uretan bizi
diren organismoei eragiten dien kaltea jakinda, erosten jarraitzea.
Badago, ordea, alternatiba goiko etiketa horretan ikusiko duzuen bezala
Iruzkinak
Argitaratu iruzkina