Haritz eroriari, orok egur
Badaude basoaren zauria estali nahi dutena: urte berriko algara eta musika. Poliziaren sirenak beste doinu bat ematen dio abestiari dena isilarazten duen arte. Basoa bakean dago berriro. Korbidoek beren karrankez betetzen dute airea. Berriro isiltasuna. Hutsunean barna abiatzen naiz bizitza aurkitu nahian. Ruskoa dago, berde-berdea. Gustatu zait opatzea haritz amerikarren hostoen artean. Bizirik dirau.
Motzondo bat bidean. Begira geratzen natzaio. Eraztunak ditu, ugari. Zenbatzen hasten naiz, baina eraztunak lausotzen dira. Beharbada makinen eraginez. Agian, nire ezjakintasuna da bere bizitza irakurtzean. Izan ere, zuhaitz baten gorabeherak jakitea ez da gauza makala izaten. Zuhaitz asko begiratu behar izan dira eta ezagutu esanahia. Larra ebakien artean mugitzen naiz. Beste motzondo bat dago. Hau zuloz beteta. Gerturatzen naiz, baino ez dut animaliarik ikusten.
Okilak entzuten
ditut. Ez naiz oraindik gai
bereizteko. Xabi Lopezek kontatzen
ziguna gogora ekarri nahi dut:
Txalaparta horren
garaia, potentzia eta maiztasuna ezagututa soinujolea nor den asmatu dezakegu.
Gure basoetan bost motatako txalaparta soinuak entzun ditzakegu, beraz bost txalapartero desberdin dauzkagu.
Arruntena okil handia da (Dendrocopos major), txalapartari nekaezina.
Okil berdea
(Picus viridis) oso gutxitan jotzen du, baina samur detekta daiteke bere
irrintzia nahastezina baita.
Bestalde okil
beltza (Dryocopus martius), okilen artean handiena dugu, txalaparta indar
handiz astintzen du. Zorionez, gure mendi magaletan gero eta arruntagoa den
hegaztia da. Kantua ere nahastezina da.
Okil txikia
(Dendrocopos minor), etxe txolarrearen
tamainako txoria dugu, lehengusu txikia dela esango genuke. Gure ibai
inguruak eta hariztiak maite ditu, kalitate handiko habitaten adierazlea dugu.
Honen txalaparta askoz apalagoa da, bolumen baxuan jotzen du, tamainak kasu
honetan garrantzia badu…
Azken
paragrafoa Sakanako harribitxi bati
eskainiko diot; Okil ertaina (Dendrocopos medius). Tarteko tamaina duen okila
dugu, haritz, ametz zein erkametz baso helduak maite dituen hegaztia da.
Sakanan egindako azken prospekzioek zita gehiago ematen ari dira. Albiste
bikaina, Nafarroako mehatxatutako faunaren katalogoan “Kaltebera” kategorian
sailkatuta baitago.
Okilak non dauden jakin nahi nuke nik, eta gorantz so egiten nengoela, hanka putzu batean sartu dut. Nahiko handia da. Arrautzez beteta daude eta horrek izugarri pozten nau. Bertatik ez dakit zer urlehortar mota aterako ote den.
Pentsamendu horietan murgildurik, makinek putzua kutsatu dutela erreparatu dut. Eta izugarrizko amorrazioa sentitu dut neure baitan. Zenbat min azalarazten ari den zati honetan! Berriro okilak. Habitataren galerak lau haizetara zabaltzen ari ote dira? Dena delakoa, erregaia
Iruzkinak
Argitaratu iruzkina