Hitz eta pitz Eneritz Mujika Zuastirekin

Ying-yang, ying-yang, kulunka lasaitzeko?

Kulunka behar bada oreka bilatzeko, zergaitik ez???

Ying eta yang, milaka urtez garatu den Txinako kultura kontzeptu konplexu eta erlazionala da eta naturan ikusitako kontrako printzipioak irudikatzen dituzte.  Ez dira termino estatikoak edo elkarren esklusiboak.

Munduan indar desberdin eta kontrajarriak egon arren, indar horiek oraindik elkarrekin bizi eta elkarren osagarri bihurtzen dira.  Horregaitik da oreka hain garrantzitsua pandemia garai hauetan.

Neka-neka eginda nago. Udaberria edo…

Neke orokorra, egunez logura, eguneroko jardueren aurrean motibazio falta, kontzentratzeko zailtasuna, zorabioa, suminkortasuna, apetitua, libidoa eta apatia gutxitzea da gure erronka…

Nahi dut eta behar dut, konponezinak?

Ezinbestekoak, elikaduran askotan esaten dugu: nahi dut, nahi izan dut, behar dut.  Erreza da esatea baino zein zaila den egunerokotasunean aurrera eramatea.  Orduan sortzen da yin eta yang-en desoreka.

Oso lanpeturik nago.  Edozer gauza bazkalduko dut

Emozio hitza latineko emotio hitzetik dator eta mugimendua edo inpultsoa adierazten du, norabaitera mugitzen den hura.  Beraz, elikadurari arreta jartzea eta zaintzeak gure garapen pertsonala ahalbidetuko du.  Bide hau pausoz pauso egin behar den bidea da.  Horregaitik zer jaten dugun oso garrantzitsua den arren, nola jaten dugun are garrantzitsuagoa iruditzen zait.

Pisua: gorputzaren ala buruaren testa?

Fisikan erakusten digute pisua “objetu baten masa kantitatea neurtzeko erabiltzen den unitatea dela”… baino aintzineko Greziarrek ere erakutsi ziguten zein zen dietaren esanahia.  Haientzat dieta bizitzeko modua zen, era guztietako jokaeren multzoa.

Hutsunea: ikusten ez den zuloa.  Janaria: ikusten ez dena asetzeko balio duena

Gure jateko joera edo era gure bizimoduaren itzulpen edo metafora bihurtzen da.  Janaria modu oldarkorrean bilatzea “kortina” moduko bat izan daiteke gure hutsuneak asetzeko besterik ez.

 

Bihar gure alabaren urtebetetzea da.  Bere lagunak merendatzera etorriko dira

Urtebetetzeak direla medio, agian dibertsioa izan beharko luke asmoa, eta ez janaria.

Ez dakit zer pasatzen den azken aldi honetan

jendea hasi dela azukrea jaten sarritan,

zerbait ikustekoa du hiperatibitateak

gure alabaren urtebetetzean

Erosketa-zerrenda:  bi kilo azukre

sarri, sarri, sarri, sarri, sarri, sarri, sarri